– _______________

വോട്ടാർക്കു ചെയ്യണം ആർക്കോട്ടു ചെയ്യണം

വോട്ടറന്മാർക്കുള്ളിലാധിയായി

സ്ഥാനം ‘പദവിയോടാർത്തി യുള്ളോരെല്ലാം

സ്ഥാനാർത്ഥികളായി മാറി രൂപം

പഞ്ചായത്തോട്ടെന്നാൽ ബന്ധവും സ്വന്തവും

ജാതിയും നോക്കീട്ടു ചെയ്താൽപ്പോരെ?

ഒരു വശം മരുമോടെ ചേച്ചീടെ കെട്ടിയോൻ

മറു വശം ഭാര്യേടെ കൊച്ചച്ചനും

വോട്ടാർക്കു ചെയ്താലും ചെയ്യാതിരുന്നാലും

വീട്ടിലെ സ്വസ്ഥത മേൽ വരിയിൽ

 

—————————

ഈ വഴി വന്നാണെത്തിയതി വിടെ

ഇവിടെ കാണാം പല പല വഴികൾ

അങ്ങോട്ടൊരു വഴി ഇങ്ങോട്ടൊരു വഴി

എതു വഴി പോയാ ലാ ണെൻ വഴിയും

അവിടേക്കൊരു വഴി ഇവിടെ ക്കൊരു വഴി

എതു വഴി പോയാലെൻ വഴി കിട്ടും

ജീവിത വഴിയിൽ വഴിമുട്ടിപ്പോയ്

ആരെങ്കിലുമൊരു പോംവഴി പറയൂ

ആ വഴി ദുർഘടമായൊരു വഴിയാ

അതിലേ പോയാൽ മെഡിസിനു ചേരാം

മുട്ടൻ ശമ്പളമായതു പോട്ടെ’ കിട്ടും

വീട്ടിലെ ഓപ്പീൽ ലക്ഷം

ഈ വഴി പോയാൽ മൊത്തം ബീ- ട്ടെ ക്

കിട്ടും എമ്പടി ദമ്പിടി വേറെ

ആ വഴി പോയാൽ ദൂരം കഠിനം

തോടുകൾ മൂന്നും ചാടി ജയിച്ചാൽ

കിട്ടും സർവ്വീസ് മേഖല ജോലി

അധികാരത്തിൻ മേലുദ്യോഗം

ഈ വഴിയൊന്നു മെ നിക്കി ഹ വേണ്ട

ഞാൻ എൻ മനസ്സിൻ വഴിയേ പോകും

 

————————————

ഭൂതകാല ഓർമ്മകൾ മങ്ങി മയങ്ങി കിടക്കുകയാണു _ പഴക്കം ചെന്ന നിലവറകളിൽ നിന്നും അവ തപ്പി പെറുക്കി എടുക്കാൻ നന്നേ വിഷമം – ചില തിളക്കമുള്ളവ മാത്രമേ തിരഞ്ഞാൽ കിട്ടുകയുള്ളൂ — എന്നാലും ഒരു ശ്രമം നടത്തി നോക്കാം — അവ പലതും ഇന്നത്തെ തലമുറയ്ക്കു രസകരമോ കൗതക കരമൊ ആയി തോന്നാമല്ലോ

ഞാൻ അഞ്ചാം ക്ലാസ്സിൽ പഠിക്കുന്ന കാലം –അന്നത്തെ ഒരു സംഭവം ഇന്നും ഓർമ്മയിൽ തങ്ങി തിളങ്ങി നില്ക്കുന്നു – ഉച്ചയോടടുത്ത സമയം –സ്കൂളിൻ്റെ തൊട്ടു കിഴക്കുവശത്തുള്ള റോഡിൽ ആൾക്കൂട്ടം –വല്ലാത്ത ബഹളം – ആളുകൾ എന്തൊക്കെയൊ വിളിച്ചു പറയുന്നു –പെട്ടെന്നു തന്നെ പത്തു പതിനഞ്ചു പേർ ശബ്ദമുണ്ടാക്കിക്കൊണ്ടു സ്കൂളിനകത്തേക്കു കയറി വന്നു — അദ്ധ്യാപകർ വെളിയിലേക്കു ഇറങ്ങി ചെന്നു — അവരുമായി എന്തൊക്കെയോ സംസാരിക്കുന്നു — ആകാശത്തേക്കു ചൂണ്ടി കാണിക്കുന്നു – എല്ലാവരും മുകളിലേക്കു നോക്കി നില്ക്കുകയാണു –റോഡിലെ ബഹളം കൂടുകയാണു — മൂന്നാലു പേർ ഉച്ചത്തിൽ അലറിക്കൊണ്ടു സ്കൂളിനകത്തേക്കു കയറി — ” കൊച്ചുങ്ങൾ അവരുടെ തള്ളേം തന്ത യേയും കണ്ടേച്ചു ചാകട്ട ടാ” _ വിളിച്ചുകൂവിക്കൊണ്ടു കൂട്ടികളോടു: “എല്ലാരും ഓടി വീട്ടീ പൊയ്ക്കൊ എന്നു പറഞ്ഞു – അദ്ധ്യാപകർ ഒന്നും മിണ്ടാതെ നില്ക്കുകയാണു __ കുട്ടികൾ അലറിക്കരഞ്ഞുകൊണ്ടു ഓടി –ഹെഡ് മാസ്റ്റർ എന്നോടു റോഡിൻ്റെ പടിഞ്ഞാറെ സൈഡിൽ കൂടി ഓടി വീട്ടിൽ പൊയ്ക്കോളാൻ പറഞ്ഞു – മൂന്നാലു കൂട്ടുകാരുമൊത്തു ഞാനും കരഞ്ഞു കൊണ്ടു ഓടാൻ തുടങ്ങി.- അപ്പോഴാണു ആ കാഴ്ച കണ്ടതു — ആകാശത്തു രണ്ടു വെളുത്ത വരകൾ -ആരോ ഞങ്ങളോടു പറഞ്ഞു ” ഓടി വീട്ടിപൊയ്ക്കോ കൊച്ചുങ്ങളെ- ലോകം അവസാനിക്കാൻ പോവ്വാ “– ഞങ്ങൾ ഓട്ടത്തിനു വേഗതയും കരച്ചിലിനു ശബ്ദവും കൂട്ടി –റോഡിൽ ആൾക്കൂട്ടമുള്ളതുകൊണ്ടു ഓടൻ നന്നേ പ്രയാസം —റോഡിൽ നിന്നു ലോകാവസാനത്തെക്കുറിച്ചു അറിവു പങ്കുവയ്ക്കുകയാണു ഒന്നൂ രണ്ടു പേർ — ” ആകാശം രണ്ടായി പ്പിളരും – ആദ്യം ചെറിയ ശബ്ദത്തിൽ തുടങ്ങുന്ന കുഴൽ വിളി ശബ്ദം ക്രമേണ ഉച്ചസ്ഥായിയിലെത്തുമ്പോൾ ചെവിക്കല്ലു പൊട്ടിക്കുന്ന തരത്തിൽ ഭീകരമാവും — ഭൂമികുലുങ്ങാൻ തുടങ്ങും -മരങ്ങളും കെട്ടിടങ്ങളും നിലംപതിക്കും -അഗ്നിപർവ്വതങ്ങൾ പൊട്ടി ആകാശത്തു നിന്നു തീമഴ പെയ്യും -കടലിലെ തിരകൾ ആകാശത്തോളമുയർന്നു ഭൂമിയെ വിഴുങ്ങും “–കൂടുതൽ കേട്ടു നില്ക്കാനാവാതെ ഞങ്ങൾ ഓടി –ബസ്സ് സ്റ്റോപ്പിലെത്തിയപ്പോൾ ഒരു കൊല്ലം ബസ് അവിടെ കൊണ്ടുവന്നു നിർത്തി – അതിൽ നിന്നു എൻ്റെ പിതാവും മൂന്നാലു ചെറുപ്പക്കാരും ഇറങ്ങി –അച്ഛനെ എല്ലാവർക്കും ബഹുമാനമാണു – സ്ഥലത്തെ ആദ്യത്തെ ബിരുദധാരിയല്ലേ — അവിടുത്തെ പ്രധാന വ്യാപാരികളിൽ ചിലർ അച്ഛനോടു കാര്യങ്ങൾ വിസ്തരിച്ചു പറഞ്ഞു – ഉച്ചത്തിൽ ചിരിച്ചു കൊണ്ടു അച്ഛൻ ജറ്റു വിമാനത്തെ കുറിച്ചും തലേ ദിവസംThe Hindu എന്ന ഇംഗ്ലീഷ് പത്രത്തിൽ വന്ന വാർത്തയെക്കുറിച്ചുമെല്ലാം പറഞ്ഞു — അപ്പൊഴേക്കും ആകാശത്തു കണ്ടവര ക്രമേണ വലുതായി മായാൻ തുടങ്ങിയിരുന്നു –അച്ചനോടൊപ്പം ബസിൽ നിന്നുമിറങ്ങിയ ചെറുപ്പക്കാർ ജറ്റു വിമാനത്തെക്കുറിച്ചും വരയായി പുറത്തു വരുന്ന പുകയെ കുറിച്ചുമെല്ലാം പറയുന്നതിനിടയിൽ ഒരു ലോകാവസാനം കണ്ട സംതൃപ്തിയോടെ ഞാനും വീട്ടിലേക്കു മടങ്ങി

 

———————————–

നല്ല കാഴ്ച കാണും കണ്ണിനു പിന്നേം പിന്നേം

കണ്ടു കൊണ്ടിരിക്കുവാനുള്ളിലൊരന്തർദാഹം

പട്ടു റോസയും പിച്ചി ചെമ്പകം ഇലഞ്ഞി പൂവ്

എത്ര ആസ്വദിച്ചാലും ഗന്ധ സ്വീകാരിക്കു പോരാ

എത്രയും സ്വാദിഷ്ടമാം ഭക്ഷണപദാർത്ഥങ്ങൾ

എത്രമേൽ രുചിച്ചാലും തൃപ്തിയാവാത്ത ജിഹ്വാ

ശുദ്ധസംഗീതം കേട്ടാൽ ഒട്ടുമേ മടുപ്പില്ല

എത്ര കേട്ടാലും പോരാ ശ്രവണേന്ദ്രിയങ്ങൾക്കെന്നും

പട്ടുമേനിയെ ഒന്നു തൊട്ടു നോക്കുവാൻ മോഹം

സ്പർശ ഗ്രാഹിയാം ത്വക്കിന്ന മിതാവേശം കൂടി

അല്പം പരുഷമായി തലച്ചോറിനോടായി ഞാൻ

ഇത്രയും ചോദിച്ചതെൻ ഉള്ളിലെ ദ്യേഷ്യം മാറാൻ ”

നീയല്ലേ ഇവർക്കെല്ലാം നാഥൻ നിനക്കെന്താ

ഇവരെ നിയന്ത്രിക്കാൻ ബുദ്ധിമുട്ടാവാൻ കാര്യം

മസ്തിഷ്കം മെല്ലെ ചൊല്ലി എൻ്റെ കാര്യവും ഏതാണ്ട്

ഇതുപോലെയായീ എന്നാണിപ്പൊഴത്തെ സ്ഥിതി

എഴുത്തു തുടങ്ങി വെറും സമയം പോക്കാനായി

ഇന്നാണേൽ എനിക്കെഴുതാതിരിക്കാൻ വയ്യ